AHATA ta contento pa mira cu ocupacion di hotel ta recuperando

The content originally appeared on: News Americas Now

Black Immigrant Daily News

The content originally appeared on: Diario

ORANJESTAD (AAN): Aruba Hotel & Tourism Association (AHATA)  ta acumula e cifranan di ocupacion y prijs di hotelnan tur luna, y CEO di AHATA, Tisa LaSorte, ta raporta cu e recuperacion cu hotel ta experienciando ta basa riba e prijs mas halto pa cada camber mientras cu ocupacion ainda ta menos cu na 2019.

   Cifranan di November 2022: Encuanto e datonan di e luna cu a pasa, den cuadro di ocupacion, a nota cu e

grado di ocupacion tabata 79%; representando un recuperacion di 94% compara cu nivel di ocupacion na 2019.

   E aspecto di ADR: E balor promedio di cada camber bendi tabata $281.10, cual ta 19% mas cu na 2019.

   Riba asunto RevPAR: E entrada promedio pa tur camber disponibel tabata $221.78, cual ta un aumento di 12% compara cu RevPAR di November 2019.

   Promedio di aña te cu November: Riba asunto di ocupacion, e promedio te cu November tabata 74%; un recuperacion di 88% compara cu 2019.

   E aspecto ADR: E balor promedio di cada camber bendi tabata $298.90, cual ta 11% mas cu na 2019.

   Riba asunto di RevPAR: E entrada promedio pa tur camber disponibel tabata $221.73, cual ta un recuperacion di 97% compara cu RevPAR averahe te cu November 2019.

   Proyeccion:  Ta proyecta un recuperacion di 100% pa luna di December. Pa otro aña, 2023, e expectativa ta pa un recuperacion di 97% compara cu 2019. Pues practicamente back na e nivel prome cu pandemia.

   Aspecto di Timeshare: Cifra di AHATA ta mustra cu e ocupacion na propiedadnan Timeshare tabata 87% na luna di November 2022.



NewsAmericasNow.com